«Открытая Россия» жамоатчилик ташкилотининг Рамзан Қодиров ва Чеченистондаги вазият ҳақида ҳикоя қилувчи «Оила. Путин ўз ўғли деб атаган Рамзан Қодиров ҳақида фильм» фильми муаллифлик ҳуқуқлари бузилиши бўйича шикоятлар туфайли YouTube’да блоклаб қўйилди, дея хабар бермоқда Meduza.
Фильм устидан шикоятни «Т&К Продакшн» МЧЖ хўжайини Илёс Синбулатов ёзган, бироқ у фильмнинг айнан қаерида муаллифлик ҳуқуқларига зид бўлган нарсаларни кўрганига аниқлик киритилмаган.
«Открытая Россия» шикоят учун ҳеч қандай асос йўқлигини таъкидламоқда, фильмда қўлланилган материаллар қонун асосида олинган, уларнинг муаллифлари кўрсатилган. «Открытая Россия» фильмнинг блоклаб қўйилишига норози бўлиб, шикоят аризаси берди.
Ярим соатлик фильм 2015 йил 25 майда тақдим этилди. У Чеченистонда куч тузилмалари қандай ишлаши, Рамзан Қодировнинг Россия ҳукуматидаги роли, ўғирликлар ва Аҳмад Қодиров номидаги жамғарма фаолияти ҳақида ҳикоя қилади.
Изоҳ (0)