Жанубий Африкадаги шерларнинг сафари-паркида йиртқич жонивор 29 ёшли Кетрин Чеппеллни ғажиб ташлади. Бу ҳақда ABC хабар бермоқда.
Хабар беришларича, Чеппелл Жанубий Африкага хайрия мақсадида – жониворларни браконьерлардан ҳимоя қилиш бўйича фондни ташкил қилиш учун маблағ тўплаш учун келганди.
Паркка келган вақтида аёл хавфсизлик қоидаларини бузган ва йирик мушуксимонларни суратга олиш учун деразани очган, шу вақт унга урғочи шер ташланган.
Қайд этишларича, бу қилмиши учун жонивор ўлдирилмаган: у бир неча шер болаларининг онаси ҳисобланади.
Кетрин Чеппелл махсус эффектлар муҳаррири сифатида ишларди. Хусусан, у «Тахтлар ўйини» фантастик сериали, «Дивергент» ва «Биринчи қасоскор: Бошқа уруш» фильмлари график эффектлари устида ишлаган.
Изоҳ (0)