31 май куни хонанда Нилуфар Усмонованинг «Дунё» қўшиғига ишланган видеоклип нуфузли Vevo видеоканалида премьера қилинди. Бу ҳақда «Дарё» мобил мухбири хабар берди.
Vevo — таниқли овоз ёзиш компаниялари (Universal, Sony, Phil, AbuDhabi, E1)нинг ҳамкорликдаги лойиҳаси. Vevo.com манбаси баъзи чет мамлакатлардагина тарқалган, бироқ МДҲ давлатлари санъаткорларининг қўшиқларини ҳам ўз ичига олади, бу камдан-кам учрайдиган ҳолатдир.
Нилуфар Усмонова ушбу видеоканалда шахсий саҳифасига эга бўлган ўзбек эстрадасининг илк вакилларидан бирига айланди. Энди хонанданинг барча янги қўшиқларини ушбу манбадан топиш мумкин бўлади.
Изоҳ (0)