АҚШ 2010 йили Stuxnet вируси ёрдамида КХДРнинг ядровий қуроллари дастурларига компьютер ҳужумини уюштиришга уриниб кўрган. RBC.ru’нинг Reuters’га асосланиб хабар беришича, ушбу операция муваффақиятсизликка учраган.
Агентлик манбаларидан бирининг маълум қилишича, АҚШ махсус хизматлари Шимолий Корея ўз ядровий қуролларини назорат қиладиган асосий компьютерларгача етиб бора олмаган.
Агентлик маълумотларига кўра, муваффақиятсизликка бир неча омил сабаб бўлган. Биринчидан, операцияни ўтказган АҚШ Миллий хавфсизлик агентлиги (МХА) ҳимоя дастурини бузиб ўтолмаган, иккинчидан эса КХДРнинг ички тармоғи жаҳондаги энг ёпиқ тармоқлардан бири ҳисобланади.
МХА Reuters’нинг ушбу хабари юзасидан изоҳ беришдан бош тортди.
Изоҳ (0)