Google Instagram ижтимоий тармоғига рақобатчи бўлиши кутилаётган Google Photos фотосервисини тақдим этди, дея хабар бермоқда «Ведомости».
28 май, пайшанба куни бўлиб ўтган конференцияда сервиснинг iOS ва Android учун мўлжалланган дастурлари ҳам намойиш этилди.
Сервисни ишлаб чиқишда ҳар қандай қурилмадан олинган фотосуратларни бир ерда тўплаб, уларни тезкорлик билан саралаш вазифаси кўзда тутилган. Керакли суратни тезроқ ва қулайроқ топиш учун Google юзни таниш технологиясини қўлламоқчи, у киши суратларда белгиланмаган тақдирда ҳам, унинг расмларини топиб бериши мумкин.
Тасвир ва видеоларни таҳлил қилиш, тэг қўйиш ишлари автоматик тарзда амалга оширилади.
Изоҳ (0)