Алишер Навоий номидаги Ўзбекистон Миллий кутубхонасида июнь ойида ўтказиладиган тадбирлар рўйхати тасдиқланди. Бу ҳақда Ўзбекистон Миллий кутубхонаси «Дарё» таҳририятига маълум қилди.
Июнь ойида Ўзбекистон Миллий кутубхонасида 6 та тадбир ўтказиш режалаштирилган.
1 июнь — Халқаро болаларни ҳимоя қилиш кунига бағишланган «Болалик олами» мавзусида тадбирлар ва «Истиқбол» залида «Болалик – беғуборлик тимсоли» номли китоб-расмли кўргазма;
10 июнь — соат 15:00 да мажлислар залида Ўзбекистон халқ ёзувчиси, Ўзбекистон қаҳрамони, Ўзбекистонда хизмат кўрсатган маданият ходими Саид Аҳмад таваллудининг 95 йиллигига бағишланган «Инсон уфққа интилади» мавзусида хотира кечаси, «Тафаккур» залида «Халқимизнинг қаҳрамон адиби» номли китоб—расмли кўргазма;
11 июнь — соат 10:00 да мажлислар залида «Инсон, унинг эътиқоди, жамият, коинот тараққиёти муаммолари ва ҳозирги замон» мавзусида илмий-назарий семинар;
23 июнь — «Истиқбол» залида Халқаро олимпиада кунига бағишланган «Чемпионлик – кўнгил эҳтиёжи» номли китоб—расмли кўргазма;
26 июнь — «Истиқбол» залида Бутунжаҳон гиёҳвандликка қарши кураш кунига «Заҳри қотил – инсон умрининг кушандаси» мавзусида китоб—расмли кўргазма, киномарказда «Зулмат салтанати» номли ҳужжатли фильм намойиши;
30 июнь — «Кашфиёт» залида тарихчи ва шарқшунос олим, библиограф, китобшунос Евгений Карлович Бетгер ҳаётига бағишланган «Китобларга бахшида умр» номли адабиётлар кўргазмаси.
Тадбирлар рўйхатига ўзгартириш ва қўшимчалар киритилиши мумкин.
Изоҳ (0)