Ўзбекистон Фанлар академияси Геология ва геофизика институти ходимлари палеоген даврида яшаган қадимий ҳайвонлар изини топишга муваффақ бўлди, дея хабар бермоқда Uzbekistan Today.
Улар майда қўштуёқлилар, мушуксимонлар оиласига тегишли йирик йиртқичлар ва ҳатто динозаврларга хос бўлган уч бармоқли изни аниқлади.
Ушбу топилмалар институтнинг Тошкент вилоятидаги каолин ва бура-кўмир конлари ҳудудига экспедицияси чоғида аниқланган.
Ҳайратланарлиси, ушбу изларнинг барчаси битта геологик давр — палеоген даврига тегишли. Ҳайвонот дунёси эволюцияси назариясига кўра эса, сутэмизувчилар динозаврлар қирилиб кетгач, пайдо бўлган.
Ўсимлик ва ҳайвонот дунёси генофонди ва «Ўзбектуризм» миллий компанияси палеоген давридаги умуртқалилар ва сутэмизувчилар изларидан иборат геопарк ташкил этиш бўйича инновацион лойиҳани яратишда ёрдам беришга тайёрлигини билдирди.
Изоҳ (0)