Ўтган куннинг энг оммабоп хабарлари билан танишинг

Ўзбекистон Президенти Ислом Каримов Жанубий Кореяга келди

Ўзбекистон Президенти давлат ташрифининг асосий тадбирларини, жумладан, Жанубий Корея Президенти ва бошқа раҳбарлари билан расмий музокаралар, етакчи компаниялар раҳбарлари иштирокидаги учрашувларни 28-29 май кунлари ўтказиш мўлжалланган.

Кениялик эркак Обаманинг қизи қўлини сўраб, эвазига 70 та қўй ва 50 та сигир бермоқчи

Эркакнинг таъкидлашича, унинг Барак Обаманинг қизига бўлган муҳаббати «чин» ва Америка президенти оиласининг бойлигига ҳеч қандай алоқаси йўқ. «Мен Малияга бу ердаги аёллар бажарадиган рўзғор юмушларини — сигир соғиш, маккажўхоридан бўтқа пишириш, қатиқ тайёрлашни ўзим ўргатаман», — дея қўшиб қўйди Феликс Кипроно.

GM Uzbekistan иккита янги автомобиль моделини ишлаб чиқаришни ўзлаштиради

GM Uzbekistan яқин вақт ичида иккита янги глобал автомобиль моделларини ишлаб чиқаришни ўзлаштиришни режалаштирмоқда. Бу ҳақда GM Korea президенти ва ижрочи директори Сержио Роча Сеулда ташкиллаштирилган ўзбек—корейс бизнес форумида маълум қилди.

Ўзбекистон Президенти «Ташувчининг фуқаролик жавобгарлигини мажбурий суғурта қилиш тўғрисида»ги қонунни имзолади

Янги қонун амалдагисидан фарқли равишда барча ташувчиларга йўловчиларнинг ҳаёти, соғлиғи, мулкига етиши мумкин бўлган зарар бўйича фуқаролик жавобгарлигини ташув хизмати кўрсатилиши бошланишгача суғурта қилиш мажбуриятини юклайди.

Томошабинлар «Болажон» телеканалининг инглиз тилини ўргатувчи кўрсатувидан хато топди

Кўрсатувдан бир лавҳа акс этган суратда «sore throat — тиш оғриғи» ёзуви кўриниб туради. Қайд этилишича, аслида инглиз тилидаги «sore throat» бирикмаси «тиш оғриғи» эмас, балки «томоқ оғриғи» деб таржима қилинади.