Forbes журнали дунёнинг энг нуфузли аёллари рейтингини эълон қилди. Германия канцлери Ангела Меркель кетма-кет бешинчи марта рейтингнинг биринчи поғонасидан жой олди, деб хабар қилади «Газета.ru».
Иккинчи ўринни Ҳиллари Клинтон банд этди. Жаҳоннинг энг қудратли аёллари ўнлигига Билл Гейтснинг рафиқаси Мелинда Гейтс, АҚШ Федерал захира фонди раҳбари Жанет Йеллен, General Motors бош директори Мэри Барра, Халқаро валюта фонди раҳбари Кристин Лагард, Бразилия президенти Дилма Русеф, Facebook директорлар кенгаши аъзоси Шерил Сандберг, YouTube бош директори Сьюзен Вожиски ва Америка президентининг турмуш ўртоғи Мишель Обама киритилди.
Рейтингга хонандалар Бейонсе, Тейлор Свифт ва Шакира, телебошловчи Опра Уинфри ҳамда актрисалар Анжелина Жоли ва София Вергара ҳам кирди.
Меркель 2004 йилда таъсис қилинган бу рейтингни 9 марта бошқармоқда. Канцлер 2011, 2012, 2013 ва 2014 йилларда ҳам дунёнинг энг нуфузли аёли деб тан олинганди. 2010 йилда рейтингнинг биринчи поғонасини Мишель Обама эгаллаганди.
Изоҳ (0)