Эрон ҳукумати мамлакат миллий компаниялари эгаларига америкалик ҳамкасблари билан савдо алоқаларини ўрнатишга рухсат берди. Бу ҳақда Эрон савдо, шахталар ва қишлоқ хўжалиги палатаси раҳбари Ғуломризо Шофеий маълум қилди, дея хабар бермоқда Kommersant.ru.
Унинг сўзларига кўра, ҳукумат икки мамлакат ўртасида расмий савдо алоқалари ўрнатилгунига қадар хусусий сектор компаниялари ўртасида дастлабки алоқаларни ўрнатишга рухсат берган.
«Норасмий муносабатлар Америка-Эрон қўшма савдо-саноат палаталарини ташкил этишга кўмак беради», - деди Шофеий. Унинг қайд этишича, палаталарни ташкил этиш ҳақидаги ғоя америкалик ишбилармонлар билан ўн ойдан бери муҳокама қилинмоқда.
Шофеийнинг маълум қилишича, америкалик бизнесменлар Эрон билан савдо алоқаларини ривожлантиришга катта қизиқиш билдиришмоқда, бироқ улар томонидан бу борада расмий сўров ҳозирча бўлгани йўқ.
Iran Daily’нинг қайд этишича, америкалик тадбиркорлар ҳозирча расмий бўлмаган Америка-Эрон савдо-саноат палатасини кўнгилли равишда таъсис этишган.
Изоҳ (0)