Россия президенти Владимир Путин «номақбул ташкилотлар» тўғрисидаги қонунни имзолади, дея хабар бермоқда ТАСС.
Унга кўра, «Россия конституциявий тузуми асослари, мамлакат мудофаа қобилияти ва давлат хавфсизлигига хатар соладиган» ноҳукумат бўлган хорижий ёки халқаро ташкилот номақбул деб эътироф этилиши мумкин.
Бу ҳақдаги қарор Россия бош прокурори ёки унинг ўринбосарлари томонидан Россия ТИВ розилиги билан қабул қилинади. «Номақбул ташкилотлар» рўйхатини адлия вазирлиги юритади ва эълон қилади.
Қонун Россия ҳудудида «номақбул ташкилотлар» тузилмавий бўлинмаларини очиш, бундай ташкилотларнинг фаолият олиб бориши, шунингдек ахборот материалларини тарқатишни тақиқлайди.
Изоҳ (0)