«Челси» бош мураббийи Жозе Моуриньо Англия Премьер-лигаси жорий мавсумининг энг яхши мураббийи, Лондон клуби ярим ҳимоячиси Эден Азар эса энг яхши ўйинчи деб эътироф этилди. Бу ҳақда Arena.uz хабар бермоқда.
Эслатиб ўтамиз, йилнинг энг яхши ўйинчиси номига Азарнинг жамоадошлари Жон Терри, Франсеск Фабрегас ва Неманья Матич, шунингдек, Серхио Агуэро («Манчестер Сити»), Давид Де Хеа («Манчестер Юнайтед»), Харри Кейн («Тоттенхэм») ва Алексис Санчес («Арсенал») даъвогарлик қилганди.
Қайд этиш жоиз, аввалроқ Азар Футболчилар Ассоциацияси ҳамда журналистлар талқинига кўра ҳам мавсумнинг энг яхши ўйинчиси деб топилганди.
Энг яхши мураббий номига эса Рональд Куман («Саутгемптон»), Гарри Монк («Суонси»), Найжел Пирсон («Лестер») ва Арсен Венгер («Арсенал») даъвогарлик қилган эди.
Қизиқ жиҳати, Моуриньо ушбу мавсумда бирор марта ҳам ойнинг энг яхши мураббийи номига сазовор бўлмаганди.
Изоҳ (0)