Ўзбекистон халқ артисти Юлдуз Усмонова бу йил Тожикистонга гастроль сафари уюштирмоқчи, дея хабар бермоқда «12news.uz» Asia-Plus нашрига таяниб. Шунингдек, у форс тилидаги илк альбомини тақдим этади.
«Менга ниманидир ваъда қилиш ва аниқ муддатни айтиш ноқулай. Лекин учрашувимиз шу йил бўлишини ҳис қиляпман. Форс тилидаги альбомни ҳам тезда чиқаришни режалаштиряпмиз, у деярли тайёр бўлиб қолди. Ундаги баъзи қўшиқлар янграй бошлади ва тингловчилар қалбидан жой олишга ҳам улгурди. Ёзда турк тилидаги қўшиқларимнинг янги тўпламини чиқаришни режалаштиряпман, шундан сўнг форс тилидаги альбом устида ишлашни тугатаман», — деди хонанда Тожикистон нашрига берган интервьюсида.
Изоҳ (0)