Хонанда Райҳон Ғаниева ва актёр Йигитали Мамажоновнинг шов-шувларга сабаб бўлган суратлари судда эмас, нотариусда олинган. Бу ҳақда хонанда Sayyod.com сайтига маълум қилди.
Аввалроқ Telegram мессенжери ва бошқа ижтимоий тармоқларда Райҳоннинг қандайдир қоғозларга имзо чекаётгани, унинг тепасида эса Йигитали тургани тасвирланган суратлар тарқалиб кетганди. «Ҳамманинг гапи бир: «Суд! Улар ажрашишяпти!». Райҳон эса бу суратлардан ғазабда», - деб ёзади Sayyod.com.
«Даҳшат! Ахир бу нотариусдан суратлар-ку! Шунчаки болаларнинг мамлакатдан четга чиқишига расман рухсат олинаётган пайти холос», - дейди Райҳон. Унинг айтишича, у фарзандлари билан Туркияга, дам олиш учун боришни режалаштирган.
Эслатиб ўтамиз, 2015 йил бошида Райҳон ва Йигитали ажрашишаётгани ҳақида хабарлар пайдо бўлганди. Кейинроқ эса ҳар икки томон ярашгани ҳақида гап-сўзлар тарқалди, бироқ буни Райҳон ҳам, Йигитали ҳам жамоатчилик олдида расман тасдиқлаганича йўқ.
Изоҳ (0)