Малайзиянинг йўқолган «Боинг» самолёти йўловчилари ҳисобидан пул ўғирлаган Башир Маул Саҳул 4 йилга қамалади ва дарра билан 3 марта калтакланади, деб хабар қилади «Газета.ru».
28 апрель куни Башир 4 та банд бўйича Хитой фуқаролари бўлган йўловчиларнинг банк ҳисобларидан пул ечиб олишда айбдор деб топилди. У айбини бўйнига олди, аммо прокурор ўринбосари Фадҳли Маҳмуд суддан мурувват кўрсатмасликни сўради.
Башир Маул Саҳул ва унинг банкда ишловчи рафиқаси Нур Шила Канан жами 111 минг ринггит (34 минг доллардан кўпроқ) пулни ўғирлаган. Улар 2014 йилнинг август ойида ҳибсга олинганди.
Эслатиб ўтамиз, Malaysia Airlines’га қарашли Boeing 777-200ER самолёти 2014 йилнинг 8 март куни Куала-Лумпурдан Пекинга парвоз этаётиб, радарлардан йўқолиб қолган.
Изоҳ (0)