42 ёшли япониялик аёл кексайиш ҳақидаги фотолойиҳаси учун 2 йил ўзини кампир қилиб кўрсатди

42 ёшли Киоко Ҳамада «Мен сен эдим» ижтимоий лойиҳаси учун икки йил давомида ўзини қари аёл қилиб кўрсатди, деб хабар қилади «Tjournal.ru».

Киоко Ҳамада Токиода туғилган ва 15 ёшида Нью-Йоркка кўчиб келган. У АҚШда таълим олди ва кўплаб нашрларда сураткаш бўлиб ишлади.

У бир қанча вақт давомида кўнгиллилик иши билан шуғулланиб, ёлғиз қариялардан хабар олганидан сўнг «Мен сен эдим» лойиҳаси дунёга келди.

2012 йилда Ҳамада япониялик ёлғиз қария Кикучио-сан персонажини ўйлаб топди ва грим қилиб, кампир образида кўчаларни айлана бошлади. Сураткашнинг сўзларига кўра, агар ҳақиқий ҳаётда Кикучио-санга дуч келганида у Ҳамадага «Мен сен эдим» деган бўларди.

Бегоналар япониялик «қария»га меҳрибончилик қилган. Аммо у Кикучио-сан образида ўзини кўринмас одамдек ҳис этган.

Икки йил давомида у кўплаб суратлар олди, улардан 99 тасини кўргазмага қўйди. Ҳамада ўз лойиҳасини китоб шаклида чоп этмоқчи ва бунинг учун 10 минг доллар йиғишга умид қиляпти. Ҳозирга қадар сураткаш Kickstarter орқали 4 минг доллардан кўпроқ пул йиғишга эришди.