Хитойлик аёл интернет-кафеда фарзандини дунёга келтирди ва компьютерда ўйнашда давом этди

Хитойнинг Наньчан шаҳрида яшовчи Сяо Ли исмли аёл интернет-кафеда кўзи ёригач, дарҳол компьютер қаршисига қайтди, дея хабар бермоқда «Nur.kz».

Муассаса ҳожатхонасида фарзанди туғилгач, аёл уни қўлига олган ҳолда залга қайтиб, клуб ходимлари ва ташрифчиларини ҳайратга солди.

Ходимлар томонидан чақирилган тез ёрдам она-болани касалхонага олиб кетди. Шунда ҳам аёл тез ёрдам машинасигача ўзи юриб борди.

Хитойлик ёш она кейинроқ айтиб беришича, қариндошлари билан жанжаллашиб, уйини тарк этган. Меҳмонхонага жойлашмоқчи бўлган, бироқ талончилар бор пулини олиб қўйган. Шунда унинг интернет-кафега киришдан бошқа йўли қолмаган.

Даволаш харажатларини касалхона ўз бўйнига олди. Ҳамширалар аёлга озиқ-овқат ва чойшаблар келтириб берди. Она-бола қариндошларини кутиб, клиникада қолди.