Тошкент шаҳри кўчалари бўйлаб ҳаракатланган автомобиль барча йўл ҳаракати қоидаларига риоя қилиб, пиёдаларга ва автомобилларга йўл бергани акс этган ҳаваскор видеоролик Facebook’даги «Водители Ташкента» гуруҳига жойлаштирилди.
Автомобиль видеорегистратори орқали ёзиб олинган тўрт дақиқалик видеороликда ҳайдовчи кўчаларда барча қоидаларга амал қилиб, пиёдаларга ва автомобилларга йўл бергани, ўз навбатида уларнинг деярли барчаси ушбу ҳаракатларга миннатдорчилик билдиргани кўриниб турган. Ролик охирида «Сабрли бўлайлик, йўлларда бир-биримизни ҳурмат қилайлик» дея бошқа ҳайдовчилар йўл ҳаракати қоидаларига амал қилишга чақирилган.
Видео остига изоҳ қолдирган фойдаланувчилар муаллифни мақтовларга кўмиб ташлаган. Бу бошқа ҳайдовчиларга ҳам ижобий таъсир қилиб, яхши намуна бўлишига умид билдирилган. Шу мақсадда роликни имкони борича кўпроқ тарқатиш лозимлиги қайд этилган.
Изоҳ (0)