Филиппин пойтахти Маниладаги пойабзал фабрикасининг ёниб кетган биносида камида 45 кишининг жасади топилди, дея хабар бермоқда ТАСС мамлакат ҳукуматига таяниб.
Ёнғин 13 май, чоршанба куни бошланиб, етти соат мобайнида шиддат билан давом этди.
Марҳумларнинг барчаси алангадан қочишга улгурмаган фабрика ишчиларидир. Яна 26 киши бедарак йўқолган деб ҳисобланилмоқда.
Маниладаги фабрика биноси ёниб кул бўлган ва у қулаб тушиши мумкин, бу эса ўт ўчирувчилар ишини қийинлаштирмоқда.
Олов таъмирлаш ишлари чоғида юзага келган, тахминларга кўра, бунга пайвандлаш ишлари сабаб бўлган.
Изоҳ (0)