Таиланднинг Паттайя шаҳрида шахмат бўйича мактаб ўқувчилари ўртасидаги жаҳон чемпионатида Ватанимиз шарафини муносиб ҳимоя қилган Жавоҳир Синдоров олтин медални қўлга киритди. Бу ҳақда ЎзА хабар бермоқда.
Нуфузли мусобақанинг блиц – тезкор шахмат бўйича ўн бир ёшгача бўлган ўғил болалар ўртасидаги баҳсларида қатнашган Жавоҳир Синдоров етти партияда таиландлик Аморн Жиараттаначароен, гонконглик Панг Хо Хуанг, филиппинлик Жастин Мордидо, мўғулистонлик Тенгис Сог-Очир, хитойлик Бокай Янг, малайзиялик Хое Ках Чеахни мағлубиятга учратиб, озарбайжонлик Мирмусо Файзиев билан дуранг ўйнади ва 6,5 очко билан шоҳсупанинг энг юқори поғонасига кўтарилди.
Ушбу йўналишдаги етти ёшгача бўлган ўғил болалар баҳсида қатнашган ёш шахматчимиз Акобирхон Сайдалиев етти имкониятдан беш очко жамғариб, жаҳон чемпионатининг бронза медалини қўлга киритди.
Изоҳ (0)