Халқаро футбол ассоциациялари федерацияси (ФИФА) ва Европа футбол ассоциациялари иттифоқи (УЕФА) агар Испания ҳукумати федерация ишларига аралашаверса, испан клублари ва терма жамоаларини халқаро мусобақалардан четлаштириши ҳақида огоҳлантирди, деб хабар беради ТАСС.
УЕФА ва ФИФА қоидалари миллий федерацияларнинг ишига учинчи шахсларнинг аралашувини тақиқлайди. Агар тақиқ бузилса, мамлакат клуб ва терма жамоалари барча халқаро мусобақалардан четлаштирилади.
6 май куни Испания қироллик футбол федерацияси профессионал футболчилар касаба уюшмаси илтимосига биноан 16 майдан бошлаб барча ички турнирларни тўхтатишга қарор қилганди. Испания футбол федерацияси спорт тадбирларини намойиш этиш ҳуқуқини сотиш бўйича коллектив келишувларга тегишли янги қонундан норози.
Янги қонунга кўра, футболчилар 2016/17 йилги мавсумдан бошлаб телевизион ҳуқуқлардан тушадиган фойдадан фоиз олмайди. Бундан ташқари, 90 фоиз даромад юқори дивизион клубларига, 10 фоизи эса иккинчи дивизион жамоаларига берилади.
Касаба уюшмаси раҳбарларининг фикрига кўра, бу қонун ҳаваскорлар ва аёллар футболини ўлдиради, бундан ташқари қуйи лига клубларига оғир зарба бўлади.
Мамлакат футбол федерацияси президенти Анхель Мария Вильяр Испания ҳукуматини ФИФА санкцияларидан огоҳлантирган.
Изоҳ (0)