АҚШнинг Калифорния штати тўртинчи йилдирки жиддий сув етишмовчилигини бошдан кечирмоқда, дея хабар бермоқда BigPicture.ru.
Қурғоқчилик натижасида кўл ва дарёлар қуриб қоляпти, боғлар ва далалар эса минглаб гектар жонсиз биёбонга айланиб қолмоқда. Ҳозирги вақтда бу қурғоқчилик ва сувсизлик яқин вақт ичида чекинишини билдирувчи бирорта умидбахш белги ҳам йўқ.
Ушбу қурғоқчилик натижасида штат кўрган зарар 2 миллиард доллардан ошиб кетди, 2014 йилнинг ўзида 17 мингта фермерлик иш ўринлари йўқотилди. Бундан ташқари, бутун мамлакат бўйлаб озиқ-овқат маҳсулотлари нархи ошиши кутилмоқда.
2015 йилнинг апрель ойида Калифорния штати губернатори Жерри Браун тарихда илк бор ичимлик суви истеъмолига чеклов белгилади. Қурғоқчилик штат аҳолисининг 98 фоизига таъсир қилди.
Кўпчиликнинг фикрича, штатдаги қурғоқчиликка кўп жиҳатдан нефть ва газ қазиб олувчи компаниялар сабабчи, бошқа баъзи мутахассисларнинг сўзларига кўра эса, штатда кўп миқдорда наша етиштирилиши сувсизликка сабаб бўлмоқда.
Изоҳ (0)