Нукус шаҳрида 11-13 май кунлари иккинчи марта Япония маданият кунлари бўлиб ўтади. Бу ҳақда UzDaily хабар бермоқда.
Ўзбекистон Бадиий академияси ва Икуо Хираяма номидаги халқаро маданият карвонсаройи томонидан Тошкент Фотосуратлар уйи кўмагида ташкил этилган тадбир, ўтган йилдаги каби, Ўзбекистон Бадиий академияси Қорақалпоғистон бўлими Кўргазмалар залида бўлиб ўтади.
11 май куни Япониянинг анъанавий акварели – сумиэга бағишланган «Мўйқаламнинг енгил рақси» кўргазмаси очилиши бўлиб ўтди. Кўргазмада япон медиатив акварел рассомчилигига мансуб элликка яқин оригинал суратлар намойиш этилмоқда.
Япония маданияти кунлари давомида Халқаро маданият карвонсаройи ходимлари турли маҳорат машғулотларини ўтказишади: кириэ ва оригами санъатларини ўргатиш, япон тили ва хаттотлигини ўрганиш машғулотлари ўтказилади, анъанавий чой маросими намойиш этилади.
Япония маданият кунларида санъат арбоблари, рассомлар, санъацҳунослар, институтларнинг талабалари, коллеж, лицей ва мактабларнинг ўқувчилари иштирок этишади.
Нукусда дастлабки Япония маданият кунлари 2014 йил 12-14 май кунлари ката муваффақият билан ўтказилган эди. Ўшанда маҳорат машғулотлари билан бир қаторда «Япон кимоноси» ва «Эдонинг машҳур 100 манзараси» кўргазмалари бўлиб ўтганди.
Изоҳ (0)