Уэлс шаҳзодаси Чарльз қариганида янги туғилган невараси унга ғамхўрлик қилишига умид билдирди. Бу ҳақда Британиянинг The Telegraph газетаси хабар бермоқда.
«У – ажойиб. Мен, жуда қариб қолганимда менга ғамхўрлик қилиши учун, қиз неварам бўлишини хоҳлагандим», - деди Чарльз.
Эслатиб ўтамиз, шаҳзода Уильям ва унинг турмуш ўртоғи Кетрининг қизи, қиролича Елизавета II’нинг бешинчи эвараси Шарлотта Елизавета Диана 2 май куни Лондондаги Авлиё Мария шифохонасида туғилди.
Чақалоқ туғилиши арафасида букмекерлик конторалари бўлажак фарзанднинг исми қандай бўлиши борасида ставкалар қабул қилишни бошлаган эди. Шарлотта исми фаворитлар қаторида бор эди.
Изоҳ (0)