Грузия собиқ президенти, айни вақтда Украина президенти Пётр Порошенконинг маслаҳатчиси бўлган Михаил Саакашвили украиналик десантчилар билан бирга тушган суратини Facebook’да эълон қилди. «Корреспондент.net» хабарига кўра, сурат катта эҳтимол билан Киевда бўлиб ўтган Хотира ва муроса куни тантаналари вақтида олинган.
Фотосуратда Саакашвилининг пиджакида лолақизғалдоқ ярқираб турганини кўриш мумкин. «Бу ҳафта грузинлар ва украинлар, ўзлариники бўлмаса-да, умумий давлатнинг яхши мақсади учун биргаликда жанг қилган урушдаги ғалаба нишонланмоқда. Бугун улар ўз давлатлари учун елкама-елка курашишмоқда», - деб ёзди Грузия собиқ президенти.
Маълумот учун, Украина тарихида илк Хотира ва муроса кунини расмий нишонлаш маросими бўлиб ўтди. Улуғ Ватан уруши музейи олдида маҳаллий вақт билан 22:00да Иккинчи жаҳон уруши, хусусан, Қизил Армия ва Украина исёнчилар армияси фахрийлари, шунингдек, аксилтеррор операцияси иштирокчилари йиғилди. Йиғилганлар олдида Украина президенти Пётр Порошенко нутқ ўқиди.
Изоҳ (0)