Гватемала вице-президенти Роксана Балдетти коррупция можароси сабаб истеъфога чиқади. Бу ҳақда Echo.msk.ru хабар бермоқда.
Хабар беришларича, Балдетти хоним кўнгилли равишда истеъфога чиқмоқда ва тергов билан ҳамкорлик қилишга тайёр. Бунгача у лавозимни тарк этиш ҳақидаги чақириқларни бир неча бор инкор этганди.
Қайд этишларича, Балдеттининг собиқ ёрдамчиси Хуан Калос Монсон Рохас нисбатан паст божхона тўловларини жорий этилиши учун амалдорларга пора берилишини таъминлайдиган жиноий схемани ташкил этишда гумон қилинмоқда.
Амалдорларнинг ушбу ғайриқонуний ҳаракатларидан давлатга етказилган зарар миллионлаб долларларга тенг экани айтилмоқда. Ҳозирча тергов доирасида 27 киши, жумладан, 3 адвокат ва ҳокимиятнинг юқори мартабали вакиллари ҳибсга олинган.
Изоҳ (0)