Польшанинг футбол бўйича қуйи лигаси жамоалари ўртасида 2 май куни ўтказилган учрашув вақтида полициячи мухлислардан бирини отиб қўйди, деб хабар беради «РИА Новости».
Воқеа «Конкордия» (Кнурув) ва «Рух» (Радзенкув) жамоалари ўртасидаги ўйин вақтида содир бўлди. Биринчи тайм давом этаётганда фанатлар майдонга петарда ва тош отишни бошлади, ҳакам 35-дақиқада учрашувни тўхтатишга мажбур бўлди. Шундан сўнг мухлислар майдонга тушиб кетди, полиция куч ишлатишга мажбур бўлди ва безориларга қарата резина ўқ отди. Ишқибозларлардан бири бўйнидан яраланди ва шифохонага олиб кетилди, аммо бир неча соатдан сўнг ҳаётдан кўз юмди.
Польшанинг RMF 24 радиостанцияси берган хабарга кўра, 27 ёшли фанатнинг ўлимидан сўнг 200 га яқин киши касалхона ва Кнурувдаги полиция участкаси олдига йиғилган. Кейинроқ полиция билан тўқнашувлар бошланган. Тўқнашувлар натижасида 3 ёки 4 полициячи жабрланган.
Касалхонани қўриқлаётган полициячиларга ҳужум қилгандан сўнг, тартибсизлик уюштирганлар қочиб кетган. Полиция шаҳар бўйлаб безориларни тўхтатишга уринмоқда.
Изоҳ (0)