Россиядаги тўйда зиёфатбоши келиннинг iPhone’и ва тақинчоқларини ўғирлаб кетди

Россия Федерацияси субъекти Чувашия республикаси полицияси тўй вақтида келиннинг iPhone’и ва қимматбаҳо тақинчоқларини ўғирлаб кетган татаристонлик зиёфатбошига нисбатан жиноий иш қўзғади. Бу ҳақда республика ИИВ сайтида хабар берилади.

«Жабрланувчилар ўтган йилнинг августида полицияга мурожаат қилган. Тўйнинг ўзида келиннинг тилла тақинчоқлари ва iPhone’и солинган сумкачаси йўқолиб қолган», — дейилади хабарда.

Етказилган зарар 50 минг рублдан ошади.

Тергов тадбирлари ўтказилиши натижасида гумонланувчи бўлмиш татаристонлик артистни Чувашияга келтиришди, бу ерда у ўғирланган iPhone’ни қайтарди.