АҚШнинг Мэриленд штати Балтимор шаҳрида афро-америкалик Фредди Грей ўлимида айбланиб қўлга олинган олти полициячи гаров пули эвазига қўйиб юборилди, дея хабар бермоқда «Эхо Москвы».
Тергов чоғида ҳибсдан озод бўлиш учун улар 250 дан 350 минг долларгача пул тўлади. Полициячилар камроқ оғирликдаги бошқа жиноятларга ҳам алоқадор деб ҳисобланилмоқда.
Балтимор прокурори Мэрилин Мосби сўзларига кўра, 25 ёшли афро-америкалик Фредди Грей ноқонуний қурол сақлаганликда янглиш гумон қилинган ва ноқонуний равишда ҳибсга олинган.
Прокуратурада таъкидлашларича, Грей умуртқа поғонасидан олган жароҳати туфайли вафот этган, бу жароҳатни эса у полиция автомобилида қўли кишанланган ҳолда олиб кетилаётганида олган.
Изоҳ (0)