25 апрель куни Непалда содир бўлган зилзила натижасида Эверест чўққисининг баландлиги пасайган. Бу ҳақда бир қанча олимлар гуруҳи маълумотларига таяниб, «Корреспондент.net» хабар қилмоқда.
UNAVCО таҳлилига кўра, офатдан сўнг дунёдаги энг баланд чўққи бир дюйм (2,54 см)га пастлаган. Олимлар 29 апрель куни Жомолунгма устидан учиб ўтган «Страж-1» сунъий йўлдошидан олинган маълумотларга таяниб, шундай хулосага келган.
Ўз навбатида Бирлашган институтнинг атроф-муҳитни ҳимоя қилиш соҳасида тадқиқотлар олиб борувчи профессори Рожер Билхам чўққининг баландлиги фақат 1—2 миллиметрга пастлаган, деб баҳоламоқда. Лекин ундаги бошқа маълумотларга кўра, Ҳимолайда жойлашган Аннапурна тоғли ҳудуди ер силкинишидан сўнг 20 сантиметрга ўсган.
Германиянинг аэрокосмик маркази Катмандудаги 2,5 минг квадрат километр ер майдони ўзининг олдинги ҳолатидан 3 фут (тахминан 91 санtimeтр)га ўсганини таъкидламоқда.
Барча тадқиқотчилар релефдаги бу ўзгаришни ерости силкинишлардан сўнг ер қатлами зичлиги заифлашгани билан изоҳлади.
Изоҳ (0)