Rossiyadagi to‘yda ziyofatboshi kelinning iPhone’i va taqinchoqlarini o‘g‘irlab ketdi

Rossiya Federatsiyasi subyekti Chuvashiya respublikasi politsiyasi to‘y vaqtida kelinning iPhone’i va qimmatbaho taqinchoqlarini o‘g‘irlab ketgan tataristonlik ziyofatboshiga nisbatan jinoiy ish qo‘zg‘adi. Bu haqda respublika IIV saytida xabar beriladi.

“Jabrlanuvchilar o‘tgan yilning avgustida politsiyaga murojaat qilgan. To‘yning o‘zida kelinning tilla taqinchoqlari va iPhone’i solingan sumkachasi yo‘qolib qolgan”, — deyiladi xabarda.

Yetkazilgan zarar 50 ming rubldan oshadi.

Tergov tadbirlari o‘tkazilishi natijasida gumonlanuvchi bo‘lmish tataristonlik artistni Chuvashiyaga keltirishdi, bu yerda u o‘g‘irlangan iPhone’ni qaytardi.