КХДР етакчиси Ким Чен Ин Аэрокосмик технологиялар қўмитасининг янги қурилган сунъий йўлдош парвозларини назорат қилиш ва бошқариш марказига ташриф буюрди, деб хабар беради ТАСС.
Объектни кўздан кечириш давомида Ким Чен Ин «тинчлик мақсадида коинотни тадқиқ қилиш республиканинг қонуний ҳуқуқи» эканлигини таъкидлаб ўтди.
«КХДР сунъий йўлдошларни самога учирувчи мамлакат мақомидан воз кечмайди ва душман кучларининг қарши ҳаракатига қарамасдан космик фазони ўрганишда давом этаверади», — деди Ким Чен Ин.
У парвозларни назорат қилиш ва бошқариш марказини қурган Корея халқ армиясининг 963-рақамли ҳарбий қисмига миннатдорчилик билдирди.