Ўзбекистон Республикаси Вазирлар Маҳкамаси «Ўзбекистон Республикаси аҳолисининг соғлом овқатланиши соҳасида амалга оширилаётган чора-тадбирларни янада такомиллаштириш тўғрисида» қарор қабул қилди, деб ёзади «Газета.uz».
Ҳужжат аҳолининг соғлиғини сақлаш ва мустаҳкамлашга, касалликларнинг олдини олишга, шунингдек тиббиёт фани талабларига мувофиқ аҳоли турли гуруҳларининг соғлом овқатланишга бўлган эҳтиёжлари қондирилишини таъминлайдиган шарт-шароитлар яратишга йўналтирилган соғлом овқатланиш соҳасида амалга оширилаётган чора-тадбирларни янада такомиллаштириш мақсадида қабул қилинди.
Соғлом овқатланишда доир кенг тушунчалар олиб бориш, ҳомиладор ва бола эмизувчи аёлларнинг, шунингдек 3 ёшгача бўлган болаларнинг тўлақонли овқатланишини ташкил этиш, даволаш жараёнининг ажралмас қисми сифатида даволаш-профилактика муассасаларида парҳезли овқатланишни яхшилаш каби йўналишлар белгилаб олинди.
Соғлиқни сақлаш вазирлиги ва Иқтисодиёт вазирлигининг Тошкент тиббиёт академияси ҳузурида Республика диетология ўқув-илмий маркази ташкил этилади.
Ҳужжатда бошқа қатор вазифалар ҳам келтирилди.
Изоҳ (0)