Тошкентнинг Шайхонтоҳур ва Юнусобод туманларини бирлаштирувчи янги кўприк қурилиши якунланди, дея хабар бермоқда «12news.uz».
Объектнинг расмий очилиши 9 май — Ўзбекистонда Хотира ва қадрлаш куни нишонланадиган кунга мўлжалланган.
Facebook‘даги «Potrebitel.uz» гуруҳи фойдаланувчилари ёзишича, пойтахт аҳолиси кўприкнинг автомобиль ва пиёдалар учун мўлжалланган қисмларини синовдан ўтказмоқда.
«Кечки сайр учун ажойиб жой. Баъзилар ҳаттоки, футбол ва теннис ўйнамоқда. Байкерлар ва роллерлар учун айни муддао бўлган жой», — дея қайд этди гуруҳ фойдаланувчилари.
Изоҳ (0)