Қозоғистонда Гиннеснинг Рекордлар китобига кириш учун 500 кг лағмон тайёрланади

Олма-отада 30 нафар ошпаз рекорд қўйиш учун 500 килограмм уйғур лағмонини тайёрлайди, деб хабар беради «Newskaz.ru».

«1 май куни Қозоғистон халқи Ассамблеяси йили доирасида ва ҚХА ҳамкорлигида Уйғур Давлат мусиқали драма ва комедия театрида уйғурча анъанавий рецепт бўйича 30 нафар ошпаз 500 килограмм (1,5 минг порция) лағмон тайёрлайди», — дейилади хабарда.

Релизда қайд қилинишича, Қозоқ География Жамиятининг навбатдаги рекордини амалга ошириш жараёнида Гиннеснинг Рекордлар китоби ҳакамлари ҳам иштирок этади.