Бугун,

  • USD 11095.31
  • RUB 173.84
  • EUR 10772.44

Ҳар йили бутун жаҳонда хитой тили ва маданияти кенг тарғиб қилиш мақсадида хитой тилини ўрганаётган талабалар орасида «Хитой тили кўприги» халқаро танлови ўтказилади. Айни дамда жаҳоннинг бир қатор мамлакатларида шу йил Хитойда ўтказилиши кутилаётган танловнинг финалига боришни мақсад қилган талабалар орасида саралаш босқичлари бўлиб ўтмоқда, деб хабар беради «Sharh.uz».

Фото: sharh.uz

Фото: sharh.uz

Тошкентдаги Ўзбекистон Республикаси Ички Ишлар вазирлигининг Маданият саройида Ўзбекистондаги олий ўқув юртларида хитой тили бўйича таълим олаётган талабалар ўртасида саралаш мусобақалари бўлиб ўтди. Унда мамлакатдаги турли олий таълим даргоҳларида таълим олаётган талабалар иштирок этди.

Танлов 3 қисмдан иборат бўлиб, унда талабалар Хитой тилида чиқиш қилди ҳамда хитой тили бўйича берилган саволларга жавоб қайтарди. Уч соатдан ортиқ давом этган тадбирда иштирок этган талабалар мусиқа ва санъатга бўлган қизиқишларини ҳам хитой тилида намойиш қилди. Улар хитой тилида шеър ва қўшиқлар куйлаб, Хитой рақсларини ижро этди.

Танловнинг ғолиби – ГранПри соҳиби Самарқанд Давлат чет тиллари институти 4-босқич талабаси Заркамол Мунисов Хитойда ўтказиладиган жаҳон танловида иштирок этади. Биринчи ўринни эгаллаган Жаҳон тиллари университети 3-курс талабаси Наврўзбек Шамсиддинов эса томошабин сифатида халқаро танловда қатнашади. Харажатлар Хитой томонидан қопланади. Танловнинг қолган иштирокчиларига совғалар топширилди.

Таъкидлаш жоизки, Хитой Халқ Республикаси элчихонаси ҳамкорлигида ташкил этилаётган «Хитой тили кўприги» танлови Ўзбекистонда ўн тўртинчи маротаба ўтказилди.

Изоҳ
Асосий янгиликлар
Маҳаллий
Туркманистон Ўзбекистонга текинга газ етказиб беради 
Маҳаллий
Тошкентда кўприк устидаги “Газел” ёниб кетди (видео)
Бизнес
Россиядан Осиёга кўмир экспорти нархи ошгани маълум қилинди