National Geographic Traveler журнали ҳордиқ чиқариш учун собиқ СССР ҳудудидаги энг яхши саёҳат йўналишларни танлади. 12news.uz’нинг хабар беришича, бу ҳақда журналнинг 2015 йил апрель май сонларида маълумот берилган.
National Geographic Traveler журнали муҳаррирлари танловига кўра, собиқ СССРдаги саёҳат қилиш учун энг яхши жойлар рўйхатидан Самарқанд, Иссиқкўл, Санкт-Петербург ва Виборг, Қримнинг жанубий қирғоқлари, Кавказ тоғлари, Помир, Минеральние Води ва Пятигорск булоқлари, Қутборти, Кавказорти, Камчатка, Олтой ва Тува каби ҳудудлар бор.
National Geographic Traveler Ўзбекистон ҳақида шундай деб ёзади: «Ўрта Осиёдаги ҳар бир саёҳат йўналиши одатда Самарқанд орқали ўтади. Бу ерда пишиқ уйлар орасида ЮНЕСКОнинг Жаҳон мероси рўйхатига киритилган улуғвор Улуғбек, Шердор ва Тиллақори мадрасалари қад ростлаб туради».
Журнал муҳаррирларининг фикрича, «Буюк Ипак йўлида жойлашган, ҳашаматли карвонсаройлар, кошинлар билан безатилган мақбара мажмуалари ва масжидлари бор» Бухорога ҳам борса арзийди.
Маълумот учун, рус тилида 110 минг тиражда чоп этиладиган National Geographic Traveler журнали Россия ва МДҲнинг барча мамлакатларида тарқатилади. Travel.ru сайти эса ойига 2 миллион ташрифчи кирадиган оммабоп саёҳат сайтларидан биридир.
Изоҳ (0)