Индонезия ҳукумати Австралияни унинг икки фуқароси — «Бали тўққизлиги» деб аталувчи гуруҳнинг бошлиқлари Эндрю Чан ва Муран Сукураманнинг қатл этилиши ҳақида хабардор қилди. Бу ҳақда Австралия ташқи ишлар вазири Жули Бишопга таяниб, ТАСС хабар бермоқда.
ОАВлар ёзишича, ўлим жазоси австралияликларга нисбатан ушбу билдиришномадан 72 соат ўтиб, ижро этилиши мумкин. Шунга қарамай, Бишоп Индонезия президенти Жоко Видодога маҳкумларни афв этишни сўраб мурожаат қилди.
Тўққиз нафар ёш австралияликлар 2005 йил апрелида Балида ушбу оролга 8 кг героин олиб киришга уринган вақтида қўлга олинган эди. Контрабандачиларнинг етти нафари суд томонидан бир умрлик қамоққа ҳукм қилинган, бошлиқлар эса олий жазо — отилишга маҳкум этилган эди.
Австралия ОАВлари Чан ва Сукураман қатл этилса, Жакарта ва Канберра ўртасидаги алоқалар кескинлашишини тахмин қилмоқда.
Изоҳ (0)