Непал ҳукумати мамлакатнинг ҳалокатли зилзиладан зарар кўрган минтақаларида фавқулодда ҳолат режимини жорий қилди. ТАСС Ҳиндистон метеорология департаментига таяниб хабар беришича, Жанубий Осиё мамлакатида ерости силкинишлари давом этмоқда.
25 апрель, шанба куни маҳаллий вақт билан 19:40 (Тошкент вақти билан 19:10)да 4,7 магнитудали зилзила қайд этилди. Сейсмологлар камида жами 15 та силкинишни қайд этган. Биринчи ва энг кучли зилзила (7,9 магнитудали) маҳаллий вақт билан 11:41 (Тошкент вақти билан 11:11)да содир бўлди. Унинг эпицентри Непал пойтахти Катмандудан 80 км шимоли-ғарбда жойлашди.
Зилзила сўнгги 80 йил ичидаги энг кучлиси эканлиги қайд этилмоқда. Унинг қурбонлари сони 800 кишидан ошди.