Россия темирйўл қўшинлари Воронеж вилоятининг Журавка станциясидан Ростов вилоятининг Миллерово станциясига бўлган 18 километрли бўлакда икки йўлли электрлаштирилган темирйўл қурилишини бошлашди. Бу ҳақда «Liga.net» хабар бермоқда.
Россия мудофаа вазири ўринбосари Дмитрий Булгаковнинг маълум қилишича, ушбу темирйўл бўлагининг қурилиши натижасида поездлар Украинага кирмасдан ҳаракатланиш имконига эга бўлади.
Унинг аниқлик киритишича, қурилишга «360дан ортиқ махсус техника ва шахсий таркибнинг 900 нафар вакили жалб этилган. Ҳарбийлар ва техникани жойлаштириш учун Воронеж вилоятининг Новопавловка ва Колесниковка қишлоқларида дала лагерлари ўрнатилган.
Изоҳ (0)