Россия президенти Владимир Путиннинг Time журнали ўқувчилари ўртасида ўтказилган сўровномада ғолиб чиққани Россияга нисбатан кўрсатилган ҳурмат белгисидир. Бу ҳақда Россия президенти «Вести в субботу» дастурида айтиб ўтди, дея хабар бермоқда Meduza.io.
Владимир Путин Time журнали танловига кўра 2015 йилда жаҳоннинг энг нуфузли одами номига даъвогарлик қилган ягона россиялик эди. Журнал ўқувчилари орасида ўтказилган сўровномага асосан, Россия президенти биринчи ўринни эгаллади.
Сўровнома асосида журнал таҳририяти ҳар йили жаҳоннинг энг нуфузли 100 одами рўйхатини эълон қилиб боради.
Владимир Путиннинг қайд этишича, у ушбу рўйхатга тушганини «хотиржам» қабул қилган, чунки «у ёки бу мамлакат бошлиғининг нуфузини энг аввало ушбу мамлакатнинг иқтисодий қудрати ва мудофаа салоҳиятидан келиб чиқиб баҳолаш мумкин».
Time танловига кўра жаҳоннинг энг нуфузли одамлари рейтингидан нафақат сиёсатчилар, шу билан бирга бизнесменлар ва жамоат арбоблари ҳам ўрин олади. Масалан, америкалик телебошловчи Опра Уинфри ушбу рейтингга кириш бўйича етакчи ҳисобланади.
Time журнали бундан ташқари «Йил одами» мукофотини ҳам топшириб келади. Владимир Путин икки марта ушбу мукофотга лойиқ кўрилган.
Изоҳ (0)