Қозоғистон жанубидаги Жамбул вилояти Мўйинқум туманида «Газель» юк автомобили ва Mercedes-Benz Sprinter микроавтобуси иштирокида йўл-транспорт ҳодисаси юз берди. NewsRU.com хабарига кўра, ҳодиса натижасида 15 киши, жумладан, уч нафар бола ҳалок бўлган, ҳалок бўлганлар орасида Қирғизистон фуқаролари ҳам бор.
Ҳодиса «Олма-Ота – Екатеринбург» йўлининг 487-километрида юз берган. Маълум бўлишича, микроавтобус Бишкек томон кетаётган бўлиб, унинг салонида 19 киши бўлган.
Вазирлик сайтида ҳалок бўлганлардан олти нафарининг, шифохонага ётқизилганлардан беш нафарининг исм-фамилиялари эълон қилинган. Жами неча киши жабрлангани ва уларнинг аҳволи қандайлиги ҳақида маълумот берилмаган. Аварияга нима сабаб бўлгани ҳам маълум эмас.
Изоҳ (0)