Дунё кинематографининг тижорий жиҳатдан энг муваффақиятли фильми — «Аватар» асосида ётган бадиий концепция плагиат эмас ва тўлиқ шимолий америкалик режиссёр Жеймс Кэмеронга тегишли.
Бундай қарор 15 апрель, чоршанба куни АҚШ апелляция суди томонидан дизайнер ва компьютер графикаси бўйича мутахассис Жеральд Моравски даъвоси бўйича қабул қилинди, деб ёзади ТАСС. У Кэмерон «Аватар» фильми учун «сценарий ва образлар яратишда унинг ғояларидан фойдалангани»ни таъкидлаган эди.
Даъво Моравский томонидан 2011 йил декабрида Калифорния штати судига берилган эди. У 700 миллион доллар миқдоридаги товон пулини талаб қилган эди.
Эслатиб ўтамиз, яна бир киши — чеченистонлик ёзувчи Руслан Закриев режиссёр Жеймс Кэмерон устидан судга даъво берди. У Кэмеронни фильм сценарийси учун ўзининг «Махфий қурол» асарини асос қилиб олганликда айбламоқда. Унинг сўзларига кўра, романни 1996 йилда ёзишни бошлаб, 2002 йилда интернетда эълон қилган. Ҳозирда суд учун материаллар тўпланмоқда. Чеченистон ёзувчилар уюшмаси фильмнинг ва романнинг баъзи саҳналари ўхшашлигини қайд этган.
Изоҳ (0)