Dunyo kinematografining tijoriy jihatdan eng muvaffaqiyatli filmi — “Avatar” asosida yotgan badiiy konsepsiya plagiat emas va to‘liq shimoliy amerikalik rejissor Jeyms Kemeronga tegishli.
Bunday qaror 15-aprel, chorshanba kuni AQSh apellyatsiya sudi tomonidan dizayner va kompyuter grafikasi bo‘yicha mutaxassis Jerald Moravski da’vosi bo‘yicha qabul qilindi, deb yozadi “TASS”. U Kemeron “Avatar” filmi uchun “ssenariy va obrazlar yaratishda uning g‘oyalaridan foydalangani”ni ta’kidlagan edi.
Da’vo Moravskiy tomonidan 2011-yil dekabrida Kaliforniya shtati sudiga berilgan edi. U 700 million dollar miqdoridagi tovon pulini talab qilgan edi.
Eslatib o‘tamiz, yana bir kishi — chechenistonlik yozuvchi Ruslan Zakriyev rejissor Jeyms Kemeron ustidan sudga da’vo berdi. U Kemeronni film ssenariysi uchun o‘zining “Maxfiy qurol” asarini asos qilib olganlikda ayblamoqda. Uning so‘zlariga ko‘ra, romanni 1996-yilda yozishni boshlab, 2002-yilda internetda e’lon qilgan. Hozirda sud uchun materiallar to‘planmoqda. Checheniston yozuvchilar uyushmasi filmning va romanning ba’zi sahnalari o‘xshashligini qayd etgan.
Izoh (0)