Ўзбек Миллий академик драма театрида Ўзбекистон халқ артисти Ёқуб Аҳмедов томонидан янги «Актёрлик маҳорати мактаби» театр-студияси ташкил этилди. Бу ҳақда 12news.uz хабар бермоқда.
«Миллий академик драма театрида ёшлар билан ишлайдиган, ўғил-қизларимизга миллий театр санъатидан сабоқ бериб, уларни халқ хизматига жалб этадиган студия ташкил этилди», - деди Ёқуб Аҳмедов.
Адабиёцҳунос Шуҳрат Ризаевнинг фикрича, етакчи актёрларнинг тажрибасидан самарали фойдаланиш мақсадида ташкил этилган ушбу янги театр-студия ижодий жараённинг мукаммаллашишига кўмак беради.
«Бу ерда иқтидорли актёрлар, шунингдек, вилоят театр жамоаларининг ёш аъзолари театр усталаридан кўп нарсаларни ўрганишлари, улар билан бир саҳнада роллар ижро этишлари мумкин бўлади», - деди Шуҳрат Ризаев.
Ёқуб Аҳмедов томонидан ташкил этилган студияда 16-22 ёш оралиғидаги, ўрта махсус ва олий таълим муассасаларида таълим олаётган иқтидорли ёшлар сабоқ олишади.
Маълумот учун, ҳозирги вақтда Ўзбекистонда 37 та театр фаолият олиб бормоқда.
Изоҳ (0)