Франциянинг «Умид занжири» («La chaîne de l’espoir») уюшмаси ва унинг Ўзбекистондаги ҳамкорлари – «Сен ёлғиз эмассан» фонди ва Ўзбекистон Соғлиқни сақлаш вазирлиги болалар жарроҳлиги соҳасида ҳамкорлик қилишга келишиб олишди. Бу ҳақда Франциянинг Ўзбекистондаги элчихонаси хабар бермоқда.
«Умид занжири» уюшмаси раиси доктор Эрик Чейссон, бош директори Жан-Рош Серра ва доктор Владимир Кавиекилардан иборат делегация 8-10 апрель кунлари Ўзбекистонга ташриф буюрди.
Ташриф чоғида делегация аъзолари Республика болалар ижтимоий мослашуви марказида, Республика ихтисослаштирилган педиатрия илмий-амалий тиббиёт марказида ва академик В. Воҳидов номидаги Республика ихтисослаштирилган хирургия марказида бўлишди.
Шунингдек, соғлиқни сақлаш вазири ўринбосари Асилбек Худоёров француз делегациясини қабул қилди.
Маълумот учун, Францияда жойлашган «Умид занжири» уюшмаси дунёнинг 30дан ортиқ мамлакатларида оғир дардга чалинган болаларни даволашда кўмак бериб келмоқда.
Изоҳ (0)