Жорий йилнинг 7 апрель куни Навоий вилояти Кармана тумани «Агротехсервис» МЧЖда «Табиий ва техноген хусусиятли фавқулодда вазиятларда раҳбарият, фуқаро муҳофазаси тузилмалари ва ФВДТ хизматларининг ҳамкорликдаги ҳаракатлари» мавзусида махсус-тактик ўқув машқи ўтказилди. Бу ҳақда Фавқулодда вазиятлар вазирлигининг расмий сайтида хабар берилди.
Ўқув машқи 3-босқичда ўтказилди:
1-босқич: Фуқаро муҳофазаси тузилмаларининг саф кўриги.
2-босқич: Фавқулодда вазиятларда фуқаро муҳофазаси тузилмаларининг ФВДТ хизматлари билан ҳамкорликдаги амалий ҳаракатлари;
Фавқулодда вазият ўчоғида қутқарув ва бошқа кечиктириб бўлмайдиган ишларни амалга ошириш, тиббий гуруҳ аъзоларининг жароҳат олган ходимларга биринчи тиббий ёрдам бериш ҳаракатлари.
3-босқич: Ўтказилган махсус-тактик ўқув машқининг якуний муҳокамаси.
Ўқув машқи раҳбари томонидан Кармана туман «Агротехсервис» МЧЖ раҳбарияти ва фуқаро муҳофазаси тузилмалари шахсий таркиби фавқулодда вазиятларда ҳаракат қилишга «Чекланган тайёр» деб баҳоланди.
Ўтказилган машқ сўнгида FM тузилмалари билан дарслар самарасини янада ошириш, ўқув машқи ҳужжатларига аниқликлар киритиш, FM тузилмаларни асбоб-анжомлар билан тўлиқ таъминлаш борасида фикр ва мулоҳазалар алмашилди.
Изоҳ (0)