Samsung Electronics компанияси смартфонлари Apple’нинг iPhone смартфонларига қараганда электр магнит тўлқинларини анча камроқ миқдорда ажратади. CNET’нинг франциялик тадқиқотчилари бир нечта қурилмаларни нурланишга текшириб кўриб, бундай хулосага келди. Улар ичида энг кам нурланиш тарқатадигани арзон Galaxy Mega бўлиб чиқди. Бу ҳақда «Mobinfo.uz» хабар бермоқда.
Samsung’нинг арзон қурилмасидаги SAR (солиштирма ютиш коэффициенти)нинг энг хавфсиз даражаси 1 килограммга 0,142 ваттни ташкил этди. iPhone 6’да эса бу кўрсаткич 0,972 Вт/кг га тенг бўлди.
SARнинг энг юқори даражаси эса HTC One Mini 2’да аниқланди — 1,46 Вт/кг. Ундан кейинги поғоналарни Nokia Asha 503 (1,43 Вт/кг) ва Apple iPhone 5s (0,979 Вт/кг) эгаллади. Бу борада пастроқ кўрсаткичлар Samsung Galaxy Note (0,241 Вт/кг), Galaxy S6 Edge (0,334 Вт/кг), LG G3 (0,291 Вт/кг), Blackberry Passport (0,33 Вт/кг) ва HTC Desire 620 (0,362 Вт/кг)га тегишли бўлди.
Изоҳ (0)