10 апрелдан Apple компанияси ўз дўконлари ташрифчиларига Apple Watch’ни ишлатиб кўришга рухсат берди, шунингдек, ўз расмий сайтида «ақлли» соатлар учун олдиндан буюртмалар қабул қила бошлади, деб ёзади TJournal.
Стартдан саноқли дақиқалар ўтиб, барча моделларни етказиб бериш санаси апрель охиридан июнга кўчирилди. ОАВлар тахминига кўра, бу қурилмаларнинг биринчи адади тўлиқ сотилиб бўлинганидан дарак беради. Дастлабки адад эса, The Wall Street Journal маълумотларига кўра, 5 миллион донани ташкил этади.
9 мингдан зиёд харидорлар орасида сўров ўтказиб, таҳлилчилар бир кеча-кундузда АҚШда Apple Watch’ни 957 мингдан ошиқ киши харид қилганини аниқлади.
Шу йилнинг февралида 2014 йилда Android Wear операцион тизимидаги «ақлли» соатлардан бор-йўғи 720 мингтаси сотилгани ҳақида хабар берилган эди. Ўша вақтда бу тақиладиган электроника бозорининг 15 фоизини ташкил этар эди.
Изоҳ (0)