The Guardian: Британиянинг бўлажак бош вазири Путин билан ҳисоб-китоб қила оладиган даражада зўр бўлиши керак

Буюк Британияда сайловолди пойгаси айни авжига чиққан вақтда Go Ape экстремал саргузаштлар паркига ташриф буюрган либерал-демократлар етакчиси Ник Клегг Россия президенти Владимир Путинга «британча жавоб» бўлди, деб ёзади The Guardian нашри.

Мақола муаллифининг қайд этишича, Россия президенти билан қандай иш олиб бориш кераклиги жорий сайлов кампаниясининг энг қайноқ масалаларидан бири, чунки Путин 2015 йилда «британияликларнинг бош салбий қаҳрамони»га айланди ва мамлакатнинг кейинги бош вазири, хоҳлайдими-йўқми, Путин билан ишлашга мажбур.

«Сиз давлат раҳбари бўла оламан, деб ўйлаяпсизми? Аввалига, Путин билан ҳисоб-китоб қилиш учун етарли даражада зўр эканлигингизни кўрсатиб қўйинг», - деб ёзади мақола муаллифи.

Муаллифнинг сўзларига кўра, жорий чоршанбага қадар сайловолди пойгаси иштирокчилари ушбу вазифани уддалай олишмаётган эди, бироқ энди диққат марказида «янги қаҳрамон» пайдо бўлди. «Агар сизга далиллар керак бўлса, у ҳолда Go Ape’га ташриф буюрган Ник Клеггнинг суратларини томоша қилинг», - деб ҳазил қилиб ёзади мақола муаллифи.

Маълумот учун, 2011 йили Путин Американинг ов, балиқчилик ва саёҳат ҳақидаги Outdoor Life журналига интервью бериб, фаол турмуш тарзи олиб бориши ва атроф-муҳит муҳофазаси билан шуғулланишини айтиб ўтганди.